8.16.2006

 

free and alone

Con ángel gonzález e seis botellas de mahou baleiras por testemuña, lembro como lle dixen a s nunha daquelas noites (noites, por outra parte, tan lonxanas) que o prezo que había que pagar pola liberdade era a soidade, soidade que sempre agarda detrás dunha esquina e que aparece sen que ninguén a chame, chega con que sopre un pouco o vento. falando para ela, falaba para min. eu estaba na euforia estival que se me aparece os últimos anos con trazos inconfundibles: o sol, os primeiros días de praia, as primeiras cañas nas terrazas, as primeiras horas roubadas ao sono e, sobre todo xente nova e distinta que trae un telescopio co que cambiar a ollada sobre o meu (micro)mundo. Dicindo o que dicía estábame lembrando que había que ter forza dabondo para poder agarrarme cando o vento zoase tan forte que me puidese levar mar adentro.
O primeiro dos síntomas dese puto nordés foron as poucas ganas de ir á praia; o segundo foi non ser quen de disimular o mal humor nas poucas veces que nestes meses estiven cos meus amigos; o terceiro, a procura inconsciente pero intencionada de conversas superficiais ou en terceira persoa; o cuarto, non dar acougado de todo na casa de tine’s village; o quinto, os infinitos repasos pola axenda do móbil buscando non sei que...e así mil e un síntomas.
buscar as causas é como buscárllelas aos lumes destes días: poderei dar milleiros de respostas epidérmicas (exceso de choio, exceso de horas no castelo, agotamento físico ou do outro, podo dicir simplemente que xa tocaba, que é este vrao sen vacacións,...); as causas fondas quizais non as coñeza ou quizais, coñecéndoas, sexan demasiado impertinentes para este mes de agosto.
Con ángel gonzález e seis botellas de mahou baleiras por testemuña, lembro como lle dixen a s...

Comments:
a ti o que che fai falta dígocho eu. e o demais é malenconía
 
dime, pois.pero se ves que tal en privado, que es moi besta....
 
Very cool design! Useful information. Go on! » »
 
You have an outstanding good and well structured site. I enjoyed browsing through it film editing classes
 
Postar um comentário

<< Home

This page is powered by Blogger. Isn't yours?